ლუკა სეფაშვილი
საქართველო და აზერბაიჯანი
კვალიფიკაციის ამაღლება გერმანიაში
აიმაღლეთ კვალიფიკაცია და დაამყარეთ კონტაქტი პედაგოგებთან მთელი მსოფლიოდან. გთავაზობთ კვალიფიკაციის ამაღლებას ხუთ შერჩეულ გოეთეს ინსტიტუტში გერმანიაში.
კვალიფიკაციის ასამაღლებელი კურსების შესახებ
გოეთეს ინსტიტუტის მიერ დაფინანსებული კვალიფიკაციის ასამაღლებელი კურსები ჩატარდება ბერლინის, ბრემენის, დრეზდენის, მიუნხენის და შვებიშ-ჰალის გოეთეს ინსტიტუტებში. შემოთავაზებაშია დასწრებული და Blended Learning ფორმატები სხვადასხვა თემებზე, მათ შორის:
- გერმანული ენის და სამხარეთმცოდნეო ცოდნის გაღრმავება
- მეთოდიკა/დიდაქტიკა და გერმანული ენის გაკვეთილის დაგეგმვა
- ციფრული მედიების გამოყენება
- ადრეულ ასაკში უცხო ენის შესწავლის კვალიფიკაცია
საკვალიფიკაციო კურსები
ხართ გერმანული ენის მასწავლებელი და ასწავლით სკოლაში ან უნივერსიტეტში? დაინტერსებული ხართ გერმანიაში კვალიფიკაციის ამაღლებით და მზად ხართ, მიღებული ცოდნა თქვენს კოლეგებს გაუზიაროთ? მაშინ დარეგისტრირდით გერმანიაში კვალიფიკაციის ასამაღლებელ კურსზე.
წინაპირობები
თქვენ შეგიძლიათ შემოიტანოთ განაცხადი, თუ
- მუშაობთ სკოლაში/უმაღლეს სასწავლებელში ან კვალიფიკაციის ამაღლების ცენტრში. უპირატესობა ენიჭებათ სახელმწიფო დაწესებულებების პედაგოგებს.
- თქვენ ბოლო 4 წლის განმავლობაში (2023 წლის ჩათვლით) გოეთეს ინსტიტუტის, სხვა გერმანული დაწესებულების ან განათლების სამინისტროს მიერ გერმანიაში კვალიფიკაციის ასამაღლებლად არ იყავით წარგზავნილი.
- მზად ხართ, სტიპენდიის ყველა შემადგენელი კომპონენტი (მაგ., ონლაინ დავალებები) სრულყოფილად შეასრულოთ
- მზად ხართ, მიღებული ცოდნა და გამოცდილება ადგილობრივ კოლეგებს გაუზიაროთ
- შერჩეული სემინარისთვის შესაფერის დონეზე ფლობთ გერმანულ ენას
- გაქვთ მოქმედი საზღვარგარეთის პასპორტი
- შეგიძლიათ თქვენ მიერ არჩეეულ ნებისმიერ სემინარზე დასწრება.
გარდა ამისა, აუცილებელია, რომ გაეცნოთ შემდგომ პირობებს:
- თქვენ ინფორმირებული ხართ იმის შესახებ, რომ თქვენ მიერშერჩეული სამი სემინარის პრიორიტეტულობის მიხედვით გათვალისწინება ვერ მოხდება;
- თქვენ ინფორმირებული ხართ იმის შესახებ, რომ არ არის რეკომენდირებული ფეხმძიმობის პერიოდში კონკურსში მონაწილეობა, რადგანაც გართულებების რისკი არ არის გამორიცხული;
- თქვენ ინფორმირებული ხართ იმის შესახებ, რომ ოჯახის წევრებისა და მეგობრების თან წაყვანა არ არის რეკომენდირებული. გოეთეს ინსტიტუტი თანმხლები პირების მგზავრობაში ვერც საორგანიზაციო და ვერც სადაზღვევო-ტექნიკურ დახმარებას ვერ გაგიწევთ;
- თქვენ ინფორმირებული ხართ იმის შესახებ, რომ არ შეგიძლიათ თან წაიყვანოთ შინაური ცხოველები.
ენის დონის დასადგენი ტესტირება
სემინარების შერჩევის წინ რეკომენდებულია ენის დონის დასადგენი ტესტის გავლამგზავრობის ხარჯები და სავიზო საკითხები
მონაწილეები საქართველოდან სარგებლობენ უვიზო მიმოსვლის უპირატესობით.განაცხადის გაკეთება
გთხოვთ შეავსოთ აღნიშნული სააპლიკაციო განაცხადი.
ამოარჩიეთ სემინარების შემოთავაზებული ჩამონათვალიდან თქვენთვის სასურველი 3 სემინარი:
- Landeskunde (L)
- Methodik/Didaktik(MDP, MDS, MDE, FK)
- Mediendidaktik (M)
- Deutsch für Lehrkräfte (DLSE, DLP)
ამასთანავე, გთხოვთ გამოგვიგზავნოთ დამატებით ქვემოთ ჩამოთვლილი დოკუმენტები ელ. ფოსტაზე: sbbko1-tbilissi@goethe.de
- ცნობა სამუშაო ადგილიდან (აქტუალური თარიღითა და ბეჭედდასმული)
- ენის ცოდნის დამადასტურებელი ცნობა (არსებობის შემთხვევაში)
- რეზიუმე, ე.წ. CV
- საზღვარგარეთის მოქმედი პასპორტი (არსებობის შემთხვევაში)
გთხოვთ სათაურში მიუთითოთ შემდეგნაირად: "Fortbildung 2027 - თქვენი სახელი და გვარი"
არასრულად შევსებული ფორმულარები ან საბუთების არასრული პაკეტები მხედველობაში ვერ მიიღება.
გთხოვთ, თქვენ მიერ განაცხადის გაკეთებას ნუ აღიქვამთ, როგორც დადებით პასუხს. განაცხადის მიღებაზე დასტური არ დაიგზავნება. შერჩევის პირველი ეტაპის შედეგებს ელ. ფოსტით გაცნობებთ. ტელეფონით ინფორმაცია არ გაიცემა.
თვითდაფინანსება
რადგან გოეთეს ინსტიტუტის მიერ დაფინანსებული ადგილების რაოდენობა შეზღუდულია, გთავაზობთ გერმანიაში თვითდაფინანსებით გამგზავრების შესაძლებლობას. დეტალურ ინფორმაციას იხილავთ ბმულზე:
კონტაქტი
-
-
ივ-ოლივერ ტაუშვიტცი
სომხეთი
