ოთხშაბათის მოტივები

ჩვენს სწრაფად ცვალებად სამყაროში ხელოვნური ინტელექტი ყველგანაა. ტექნოლოგიურ მიღწევებს ხშირად გაუცნობიერებლად ვიყენებთ მაშინ, როცა გამუდმებით იქმნება შთამბეჭდავი ფუნქციების მქონე ახალი ინსტრუმენტები. 
პრაქტიკულ სემინარზე გავაშუქებთ ხელოვნური ინტელექტის ყოველდღიურობაში და გერმანულის როგორც უცხო ენის გაკვეთილზე გამოყენების შანსებსა და რისკებს.  მეთოდური რეფლექსიის კვალდაკვალ წარმოგიდგენთ ხელოვნურ ინტელექტზე დაფუძნებულ სხვადასხვა ინსტრუმენტს, რომელთა გამოყენებაც თანაბრად შეუძლიათ როგორც პედაგოგებს, ასევე მოსწავლეებს. ერთად გავაანალიზებთ მათ და ერთმანეთს საკუთარ გამოცდილებებს გავუზიარებთ.

სემინარი ჩატარდება: 30.04.2025, 17:00 სთ (ცენტრალური ევროპის დროით) 
მომხსენებელი: იოანა პრზიბილოვსკა


ორგანიზატორი: კრაკოვის გოეთეს ინსტიტუტი
საკონტაქტო პირი: ვოიჩიჩ დზიდო
ელ.ფოსტა: wojciech.dzido@goethe.de

„ზუმ-შეხვედრაში“ მონაწილეობა
შეხვედრის ID: 819 3604 8185

როგორ შეგვიძლია გერმანულის როგორც უცხო ენის გაკვეთილზე მოსწავლეების არა მარტო უფრო გააქტიურება, არამედ ენის შესწავლაში იმგვარი დახმარების გაწევა, რომ ის მათ დიდხანს გაჰყვეს? პრაქტიკაზე ორიენტირებული ეს ონლაინ სემინარი კონცენტრირებულია „ენერჯაიზერებზე“, რომლებიც მეტია ვიდრე კლასიკური „გახურება“ („Warm-ups“), აგრეთვე ციფრული ინსტრუმენტების, როგორიცაა „Genially“, მიზანმიმართულ გამოყენებაზე.
ერთად ჩავეძიებით შემოქმედებით მეთოდებსა და ინტერაქტიულ ელემენტებს, რომლებიც გაკვეთილს უფრო ცოცხალს ხდის და იმავდროულად აუმჯობესებს ენობრივი კონტენტის გაგებას და გონებაში ჩაბეჭდვას. სემინარი გვთავაზობს ახალ-ახალ იდეებს,  სიღრმისეულად გაცნობას და უამრავ რამეს, რის ერთად კეთებაც შეიძლება.
სემინარი ჩატარდება : 21.05.2025 19 საათზე (საქართველოს დროით)
მომხსენებელი: უფუკ ტონკა

ორგანიზატორი: სტამბოლის გოეთეს ინსტიტუტი

„ზუმ-შეხვედრაში“ მონაწილეობა
შეხვედრის ID: 881 3092 7411
პაროლი: J6?jE*

 

მოსწავლეები ხელოვნურ ინტელექტს მხოლოდ საშინაო დავალებების შესრულების ინსტრუმენტად მიიჩნევენ და თან ისე, რომ თავად სასწავლო პროცესში არ მონაწილეობენ? ამ პრაქტიკულ სემინარზე ხელოვნურ ინტელექტს გავიცნობთ როგორც სწავლის თანმხლებ საშუალებას, რომელიც  ეხმარება მოსწავლეს ვარჯიშსა და ფიქრში, უვითარებს სამეტყველო კომპეტენციას და იმავდროულად პედაგოგებსაც განტვირთავს.
კონკრეტულ მაგალითებზე  ნაჩვენები იქნება ხელოვნური ინტელექტის გაკვეთილზე ინტეგრირების შესაძლებლობები, რომელთა რიგს განეკუთვნება პერსონალიზებული  სამეტყველო ვარჯიშები, სიმულირებული ინტერაქტიული და რეალისტური დიალოგები, ფოტო-დავალებები, აგრეთვე ინტერაქტიული სავარჯიშოები, რომლებიც ხელოვნურ ინტელექტზე დაფუძნებული ინსტრუმენტების დახმარებით ალაპარაკების სტიმულს იძლევა. აღნიშნული მიდგომები გადაბმულია გერმანულის გაკვეთილიდან აღებულ დავალებებთან და სავარჯიშოებთან და განვრცობილია თამაშის ელემენტებით, რათა მიზანმიმართულად წახალისდეს სამეტყველო კომპეტენცია და უფრო მეტად მამოტივირებელი გახდეს გაკვეთილი.
სემინარი ჩატარდება: 18.06.2025
მომხსენებელი: მონიკა რიბარიკოვა

ორგანიზატორი: ბრატისლავას გოეთეს ინსტიტუტი
 

ID: 845 5872 3135
პაროლი: 677083

როგორ შეგვიძლია აქტიურად ჩავაბათ მოსწავლეები გაკვეთილში? როგორ შეიძლება ციფრულმა ტექნიკამ, დიდი  დანახარჯის გარეშე, უფრო გამოაცოცხლოს და ინტერაქტიული გახადოს გაკვეთილი? ამ პრაქტიკულ სემინარზე მონაწილეები გაეცნობიან სხვადასხვა ვებ-ინსტრუმენტს, რომლებიც მარტივად და ეფექტურად შეიძლება გამოყენებულ იქნას გაკვეთილზე. ამასთან, ფოკუსირება ხდება არა მხოლოდ ტექნიკურ გამოყენებაზე, არამედ უმთავრესად დიდაქტიკურ   დამატებით სარგებელზე. ხსენებული ინსტრუმენტების მიზანმიმართულად ხმარება ხელს უწყობს მთავარ მეთოდურ-დიდაქტიკურ პრინციპებს, როგორებიცაა  მოსწავლეზე ორიენტირება, ინტერაქციაზე ორენტირება და მოსწავლის გააქტიურება.
ერთად აღმოვაჩენთ ინსტრუმენტების გაკვეთილზე გამოყენების შესაძლებლობებს და ადგილზე მოვსინჯავთ მათ. ასე თქვენი გაკვეთილი უფრო გამოცოცხლდება, უფრო შემოქმედებითი და მრავალფეროვანი გახდება.
სემინარი ჩატარდება: 24.09.2025
მომხსენებელი: მეგი გვასალია

ორგანიზატორი: საქართველოს გოეთეს ინსტიტუტი