PASCH bilan bayon va jurnalistik reportajni yozishda ijodiy yondashuv

Aprel oyining oxiri va may oyining boshlarida biz PASCH talabalari va o'qituvchilari uchun "ijodiy yozish va jurnalistik reportaj"mavzusida mahorat darslari o'tkazdik.

Mahorat darsining yetakchisi-avstriyalik yozuvchi Urs Luger ushbu vaqt davomida O'zbekiston va Tojikistondagi uchta PASCH maktabiga tashrif buyurib, matnlar bilan ijodiy ishlash va jurnalistik intervyuni qanday o'tkazish haqida so'zlab berdi. Har bir PASCH maktabida yozish san'atiga qiziqqan o'rta maktab o'quvchilari va ularning o'qituvchilari ishtirok etishdi.

Tadbirlarning maqsadi ishtirokchilarga hikoya yozishga qanday tayyorgarlik ko'rishni, reportajni qanday yaratishni va ma'lum so'zlar bilan she'rlarni ijodiy yozishni ko'rsatish edi. Mahorat darsidan qiziqarli fakt: to'plangan materialning atigi 10 foizi haqiqatan ham reportajga kiritiladi.

Xorazm viloyatidan kelgan talabalar Urganch shahrini referent rahbarligida o'rganib chiqdilar va yo'lovchilar bilan suhbatlashdilar. Tojikistonlik o'quvchilar o'z she'rlarini yozib, g'oyalarini rasmlarda taqdim etdilar. Namangan shahridagi Ibrat maktabida ishtirokchilar birgalikda ishlab chiqqan muayyan mavzularda maqolalar yozdilar. PASCH o'qituvchilari ham faol bo'lishdi. Ular ijodiy va jurnalistik yozuvning alohida bosqichlari bilan tanishdilar: maqolaga mos sarlavhani tanlashdan tortib, mulohaza ustida ishlashgacha.

Urs Lugerning sayohati poytaxtdan uzoqda bo'lgan hudud, Xorazmdan boshlandi, so'ngra Sirdaryo qirg'oqlaridagi Tojikistonning Xujand shahrida davom etib, nihoyat yana O'zbekistonning Namangan yaqinidagi Turaqo'rg'on PASCH maktabida o'z yakuniga yetdi.

Biz ushbu mahorat darsida, o'quvchilar tilni mukammal bilmasalar ham, o'z ijodlarini nemis tilida namoyish eta olishlarini bilib oldik. To'g'ri uslublar ishtirokchilarga o'z fikrlarini ifoda etishga yordam berdi. Biz seminar natijasida yig'ilgan ko'plab hikoyalar va she'rlarni nashr qilishni maqsad qildik.

© Zukhra Otaniyozova