საქართველოს გოეთეს ინსტიტუტი თბილისის ლიტერატურის ფესტივალის ფარგლებში წარმოგიდგენთ კომიქსის ვორქშოპს მარკუს მავილ ვიტცელთან ერთად!
ვორქშოპის თარიღი: 20 სექტემბერი
დრო: 10:00-16:00
ვორქშოპის სამუშაო ენა: ინგლისური
მავილის ვორქშოპზე ჩვენ ერთად ვეცდებით გავიგოთ, თუ რა აქცევს კომიქსს ერთიან და ცოცხალ ნარატივად, როგორ იქმნება ცალკეული კადრებისგან მოძრავი და მამოძრავებელი „წარმოსახვითი კინო“? როგორ შეიძლება მარტივი საშუალებებით – კომპოზიციით, პერსპექტივით, რიტმითა და განათებით – შევქმნათ დრამატურგია, მოქმედება და ემოციები?
ვორქშოპზე დაგხვდებათ პრაქტიკული სავარჯიშოები და განხილვები. რაც მთავარია - შეძლებთ, იმუშაოთ თქვენს ინდივიდუალურ ამბავზე!
ვორქშოპის მთავარი მიზანი არ არის სრულყოფილი ან იდეალურად შესრულებული კომიქსების შექმნა. ბევრად საინტერესოა სხვადასხვა მიდგომის გამოცდა: ე.წ. „სთორიბორდის“ შედგენა, ცალკეული კადრების დამატება თუ ამოღება, გვერდის ფორმატის შემოწმება, ტექსტის/კომიქსის წაკითხვის მიმართულება ან გამოსახულებების გამარტივება.
ვიწვევთ ყველას, ვისაც აინტერესებს ამბის თხრობა!
მონაწილეების მაქსიმალური რაოდენობა: 20
რეგისტრაცია შესაძლებელია 17 სექტემბრის ჩათვლით.
დადებითი პასუხის შემთხვევაში მონაწილეებს 18 სექტემბერს დავუკავშირდებით.
რეგისტრაციისთვის ეწვიეთ ბმულს.
