გერმანული ენის მასწავლებლის პროფესიული პერსპექტივა 10 მიზეზი

რატომ გერმანული ენა?
კაცმა რომ თქვას, რატომ სწავლება?
და რატომ მაინც და მაინც გერმანული ენის სწავლება?
მინიმუმ 10 კარგი მიზეზი არსებობს.

ქვემოთ გიჩვენებთ, თუ რატომ არის გერმანული ენის სწავლება არა მხოლოდ სიამოვნების მომნიჭებელი, არამედ ისეთი შესაძლებლობის მომცემი, როგორსაც დღესდღეობით თანამედროვე, საერთაშორისო პროფესიისგან შეიძლება მოელოდე.

მაშ, დავიწყოთ!

1

გახდი „ინფლუენსერი“ რეალურ ცხოვრებაში!
ის, ვინც ასწავლის, მაგალითის მიმცემი და ცოდნის გარდა თვალთახედვის გამზიარებელიცაა. ის, ვინც ასწავლის, შთააგონებს და ცხოვრების მენტორი ხდება.

ასწავლე გერმანული ენა - იმუშავე მსოფლიოს ნებისმიერ წერტილში!

2

ასწავლე გერმანული ენა - იმუშავე მსოფლიოს ნებისმიერ წერტილში!
მსოფლიოში ძალზე ცოტა ენა თუ ისწავლება გერმანულზე მეტად. ამიტომაც შეუძლია გერმანული ენის მასწავლებელს ნებისმიერ ადგილას მუშაობა: იქნება ეს გერმანული სკოლა ლისაბონში თუ ახალგაზრდა პროფესიონალების კვალიფიკაციის ამაღლება ლაგოსში - გერმანულის როგორც საგნის სწავლების უამრავი ვარიანტი არსებობს მთელს მსოფლიოში

3

ასწავლე გერმანული ენა - დაიცავი შენი პროფესია!
მიუხედავად იმისა, რომ გერმანულზე როგორც უცხო ენაზე დიდი მოთხოვნილებაა, ძალზე ცოტა პედაგოგია, ვინც გერმანულს ასწავლის. შესაბამისად, გერმანული ენის მასწავლებლებს დასაქმება არ უჭირთ და მთელს მსოფლიოში შეუძლიათ იმუშაონ სკოლებში და უნივერსიტეტებში, მთარგმნელებად, გამომცემლობებში და ა.შ.

Abwechslung

4

ასწავლე და ყოველი დღე განსხვავებული იქნება!
მასწავლებლობა ისეთი საქმიანობაა, რომელსაც მრავალფეროვნება მუდამ თან სდევს. ერთი და იმავე ნოველაზეც კი ყოველი ახალი კლასი სრულიად სხვაგვარად მსჯელობს. ყოველი გაკვეთილი განუმეორებელია და ყოველი დღე - განსაკუთრებული.

5

შენი საკლასო ოთახი - სივრცე, რომელსაც თავად ქმნი!
საკლასო ოთახო ყოველთვის დაცული სივრცეა, ერთგვარი ლაბორატორია, სადაც ათასი რამ შეიძლება მოსინჯო და წარმოთქვა. გაკვეთილზე მოქმედების თავისუფლების მაღალი ხარისხი პედაგოგების განსაკუთრებულ შემოქმედებითობას უზრუნველყოფს.

Weltoffenheit

6

ასწავლე ენები და სამყაროსადმი გახსნილობა!
ნების სწავლება ადამიანებს და კულტურებს აახლოებს. ყოველი ახალი ნასწავლი სიტყვა შლის ზღვარს და ურთიერთგაგების ახალ კარს აღებს. საკლასო ოთახში ნაცადი გახსნილობა შემდეგ უკვე სამყაროში გადის.

7

გამოიყენე გლობალური გერმანული ენის ქსელი!
გერმანული ენის პედაგოგთა საერთაშორისო გაერთიანება დიდია და კარგად ორგანიზებული. ქსელები და ციფრული პლატფორმები კომუნიკაციის და სწავლა-განათლების გაგრძელების ურიცხვ შესაძლებლობას გვთავაზობს. ამგვარად, პედაგოგიური კოლექტივი საკუთარ სამუშაო ადგილის საზღვრებს სცილდება და მთელს მსოფლიოს მოიცავს.

Kultur

8

გააღვიძე ცნობისმოყვარეობა გერმანულენოვანი ქვეყენების კულტურისადმი!
როგორც ლიტერატურაში, ხელოვნებასა და მუსიკაში, ისე მეცნიერებასა და ტექნიკაში გერმანულენოვან ქვეყნებში უამრავ რამეს აღმოაჩენთ: მრავალსაუკუნოვანი მდიდარი კულტურული მემკვიდრეობა გინდა, თუ ასევე საინტერესო თანამედროვეობის მიღწევები.

9

ჩაერთე დიალოგში გერმანულად!
ენების სწავლება ააქტიურებს დიალოგსა და კომუნიკაციას. მართალია, გლობალიზებულ სამყაროში ინგლისური შეუცვლელია, მაგრამ მრავალენოვნება დამატებით აფართოებს თვალსაწიერს. დღესდღეობით ევროპაში მცხოვრები 100 მილიონი ადამიანისთვის გერმანული მშობლიური ენაა. ამიტომაც, გამოთქმა „ინგლისურის ცოდნა გმართებს, გერმანულის ცოდნა გარგებს“ დიალოგზეც ვრცელდება.

Bleib jung!

10

ასწავლე, და დარჩი ახალგაზრდა!
სწავლით მხოლოდ მოსწავლე არ სწავლობს. მას, ვინც ასწავლის, ყოველდღიურად უწევს უმცროს თაობებთან ურთიერთობა და იცის, რა ამოძრავებს მათ. ამ ინტერაქციას ახალი პერსპექტივები და ენერგია მოაქვს. ის, ვინც ასწავლის, მუდამ პოულობს შთაგონებას და ეს მას ახალგაზრდობას უნარჩუნებს.

უკან საწყისი გვერდისკენ

Deutsch: lehren. teilen. inspirieren.