Xalqaro nemis tili olimpiadasi 2024

Xalqaro nemis tili olimpiadasi (IDO) nemis tili boʻyicha dunyodagi eng yirik musobaqadir. Joriy yilda u 15 iyuldan 22 iyulga qadar “ISHTIROK ET! Ilm-kelajak poydevori“ shiori ostida bo’lib o‘tadi. Final uchun Gyottingenda 50 ta davlatdan 100 ga yaqin maktab o‘quvchilari to‘planishadi.

Mazkur musobaqa dunyo bo'ylab maktablarda nemis tilini o’rganayotgan 13 millionga yaqin o’quvchilarni bellashuvga chorlaydi. 14 yoshdan 17 yoshgacha bo‘lgan 100 dan ortiq nemis tili o‘rganuvchilar 50 dan ortiq ishtirokchi-mamlakatlarda dastlab milliy saralash bosqichida qatnashadilar va yuqori natijalarni qo’lga kiritgan o‘quvchilar 2024 yilning yozida xalqaro nemis tili olimpiadasi tomon Gyottingenga yo‘l oladilar. Shuningdek o’quvchilarga hamrohlik qiluvchi faol o'qituvchilar uchun Gyottingenda olimpiada doirasida didaktik va uslubiy mavzular bo'yicha seminarlar tashkil etiladi.

Olimpiada ishtirokchilari mamlakat doirasida bo'lib o’tadigan bilimlar bellashuvida g’olib sifatida aniqlanganidan so‘ng Germaniyada bo’lib o’tadigan final bosqichida o'z mamlakatlari sharafini himoya qiladilar. Unda milliy saralash bosqichlarining g‘oliblari uch xil til bilish darajalari bo‘yicha  1-, 2- va 3-o‘rinlar uchun bellashadilar. Bu yerda nafaqat til bilimlari, balki madaniyatlararo kompetensiya va xalqaro guruhlarda ishlay olish qobiliyati ham talab qilinadi. Ishtirokchilarning alohida shakldagi va jamoaviy natijalari xalqaro hakamlar hay'ati tomonidan baholanadi.

Nemis tilini mukammal bilishi tufayli bu o'quvchi Toshkentdagi Gyote-Institutida milliy saralash bosqichlarida birinchi o‘rinni egalladi va 15. - 22 iyul kunlari Germaniyaning Göttingen shahrida bo‘lib o‘tgan jahon nemis tili olimpiadasida g'alaba qozondi.
Olimpiadaning final bosqichida 62 davlatdan 100 dan ortiq maktab o‘quvchilari ishtirok etdi.
Uchta til darajasida uchta ishtirokchi (A2, B1 va B2) Olimpiya oltin medallarini qo'lga kiritdi:

• Mahek Xon (Bangladesh A2);
• Rayyona Ibroximova (O‘zbekiston B1);
• Ana Kotevska (Shimoliy Makedoniya B2).