ფესტივალებმა ხელი შეუწყო ადგილობრივი არტისტების შემოქმედების წარმოჩენასა და პოპულარიზაციას, გაზარდა ადგილობრივი თემების ჩართულობა და გააძლიერა შემოქმედებითი თანამშრომლობა აღმოსავლეთ პარტნიორობის სხვადასხვა ქვეყნის ხელოვანებს შორის..
ფესტივალების შედეგები:
- ქალაქის კულტურული ცხოვრება გახდა უფრო მრავალფეროვანი. ფესტივალების პროგრამა შედგებოდა სხვადასხვა აქტივობისგან როგორიცაა, მუსიკალური და თეატრალური წარმოდგენები, გამოფენები, აუდიოვიზუალური ინსტალაციები, კონოჩვენებები. ჩატარდა სემინარები, მასტერკლასები, გაიმართა დისკუსიები.
- გაიზარდა ცოდნის გაცვლისა და რეგიონული თანამშრომლობის, ასევე ქალაქებს შორის თანამშრომლობის შესაძლებლობები. ფესტივალებში მონაწილეობდნენ ადგილობრივი ხელოვანები და მოწვეული არტისტები ქვეყნის სხვა ქალაქებიდან და აღმოსავლეთ პარტნიორობის ქვეყნებიდან. გაიმართა ერთობლივი დისკუსიები და წარმოდგენები.
- მოხდა კულტურის სფეროში ინოვაციური მიდგომების პოპულარიზაცია. ფესტივალებმა ერთმანეთთან დააკაშირა თანამედროვე ხელოვნება, ინოვაციური და ციფრული აქტივობები და უფრო ტრადიციული კულტურული ღონისძიებები.