შემოთავაზებული DLL მოდულების მოკლე აღწერა:

DLL 1 – პედაგოგიკური კომპეტენცია და გაკვეთილის დაგეგმვა
მასწავლებლები ქმნიან საკლასო გარემოს. რა ახდენს ამ დროს მათზე გავლენას? რა წარმოდგენები აქვთ მათ ხარისხიან გაკვეთილთან დაკავშირებით? რა გამოწვევებია? როგორ შეიძლება შეიქმნას მოტივაციური და სწავლისთვის ხელსაყრელი ატმოსფერო საკლასო ოთახში? როგორ იმართება პროცესები გაკვეთილისას და როგორ ხდება მოსწავლეების მხარდაჭერა? როგორ ვითარდებიან მასწავლებლები პროფესიულად?

DLL 4 – დავალებები, სავარჯიშოები, ურთიერთქმედება
საკლასო აქტივობებს ძირითადად განსაზღვრავს მასწავლებელი, მოსწავლეები და მათი ურთიერთქმედება, ანუ ყველა იმ სოციალური პროცესისა და რუტინის ერთობლიობა, რომელიც კლასში ან კურსზე მიმდინარეობს. საკლასო ოთახში დავალებები, სავარჯიშოები და ურთიერთქმედება გამოიყენება ენობრივი მოქმედების სწავლის საშუალებად. საუბრისა და წერის უნარების მაგალითზე ეს ერთეული გვიჩვენებს, თუ როგორ ხდება ამის გამოყენება თანამედროვე ენის გაკვეთილისას.

DLL 6 – სასწავლო გეგმის სახელმძღვანელო პრინციპები და გაკვეთილის დაგეგმვა
რაზე ვეყრდნობით გაკვეთილის დაგეგმვისას და სწავლის მიზნებისა და კომპეტენციების რომელი კონცეფციები უდევს საფუძვლად ჩვენს მიდგომას? როგორ ვგეგმავთ გაკვეთილს და როგორია სწავლების ფაზების რეკომენდირებული თანმიმდევრობა? გაკვეთილების დაგეგმვაზე გავლენას ახდენს ჩარჩო დებულებები და დიდაქტიკური და მეთოდოლოგიური პრინციპები. ამ ერთეულში თქვენ შეიმუშავებთ თანამედროვე სახელმძღვანელო პრინციპებს მასწავლებლის ყოველდღიური საქმიანობისთვის და გაეცნობით გაკვეთილების დაგეგმვის სფეროში არსებულ სიახლეებს.

სასწავლო კურსების სერიის შესახებ დამატებითი ინფორმაციის მოძიება აქ შეგიძლიათ.