გიწვევთ სემინარზე "ემოციური ბალანსი და შემოქმედებითი თვითგამოხატვა".

სემინარი ძირითადად განკუთვნილია ბიბლიოთეკარებისთვის, თუმცა, რა თქმა უნდა, სურვილის შემთხვევაში, დასწრება ყველასთვის თავისუფალია.

სემინარი ,,ემოციური ბალანსი და შემოქმედებითი თვითგამოხატვა" ორი ნაწილისგან შედგება:

• არტთერაპია:

მონაწილეებს შესაძლებლობა ექნებათ, უკეთ გაეცნონ საკუთარ ემოციებს. შეხვედრაზე შევეხებით ადამიანის ექვს ძირითად ემოციას და გავიგებთ, როგორ გვაწვდის თითოეული მათგანი მნიშვნელოვან ინფორმაციებს.
სემინარის შემოქმედებით ნაწილში შეიქმნება ფერადი კოლაჟი, საკუთარი ემოციების ვიზუალური რუკა. აქ არ არსებობს „სწორი“ ნამუშევარი, ისევე როგორც არ არსებობს „სწორი“ ემოცია.
ფერები შეიძლება იყოს თქვენი ემოციების ენა.

• დრამის თერაპია:

დრამის თერაპია დაფუძნებულია რიტმზე . რიტმული დაკვრა ამცირებს სტრესს, აძლიერებს კონცენტრაციას გვეხმარება ემოციურად განტვირთვაში.
მონაწილეობის მისაღებად სამუსიკო გამოცდილება აუცილებელი არაა, საკმარისია რიტმში ჩართვის სურვილი.
რიტმი ამშვიდებს, აძლიერებს და აკავშირებს.

ასე რომ, გელოდებით! წინ ძალიან საინტერესო სემინარი გველის!

სემინარი ტარდება ევროკავშირის მიერ თანადაფინანსებული პროექტის CLAD-ის ფარგლებში. პროექტის კოორდინატორი გოეთეს ინსტიტუტია და ის 2026 წლამდე გაგრძელდება. CLAD-ის ფარგლებში დაგეგმილი თითოეული აქტივობა საჯაროა და დასწრება ყველგან თავისუფალია.