"ჩაატარე ენების ევროპული დღე შენს სკოლაში!"

ტრენინგის შესახებ

2012 წლიდან ყოველწლიურად სექტემბერის ბოლოს საქართველოში ენების ევროპული დღე აღინიშნება. ღონისძიების ორგანიზატორია EUNIC Georgia - საქართველოში ევროკავშირის ქვეყნების ეროვნული კულტურის ინსტიტუტების გაერთიანება.
ენების ევროპული დღისადმი მიძღვნილი ღონისძიებების სერიის ფარგლებში დაგეგმილი აქტივობები მოიცავს სახალისო კონკურსებსა და თამაშებს, შემეცნებით თუ გასართობ სავარჯიშოებს, მუსიკალურ თუ ციფრულ ანიმაციებს. მოსწავლეებს შესაძლებლობა აქვთ, უკეთ გაეცნონ ევროპაში მცხოვრები სხვადასხვა ხალხის კულტურულ თუ ენობრივ თავისებურებებს და მოიგონ პრიზები.

COVID-19-ის გამო 2020 წელს დაგეგმილი ღონისძიებები ონლაინ ფორმატში ჩატარდება. სპეციალურად სკოლის მასწავლებლებისთვის ჩატარდება ერთდღიანი ტრენინგი  "ჩაატარე ენების ევროპული დღე შენს სკოლაში!", სადაც მასწავლებლები გაეცნობიან ღონისძიების სპეციფიკას და მიიღებენ ღონისძიების თავიანთ სკოლაში ჩასატარებლად საჭირო მასალებს (როგორც ონლაინ, ასევე დასწრებულ ფორმატში ჩასატარებლად). ტრენინგის გავლის შემდეგ მასწავლებლები დამოუკიდებლად შეძლებენ ენების ევროპული დღის ორგანიზებას თავიანთ სკოლებში. ევროპის საბჭო ღონისძიებაში მონაწილე მოსწავლეებისთვის გაიღებს პრიზებს.