Të gjitha parimet kryesore të mësimdhënies, që ndikojnë në cilësinë e procesit mësimor, përfshirë edhe sjelljet specifike, mësohen në mënyrë praktike. Vëmendje e veçantë i jepet zhvillimit të aftësive vetjake, të cilat janë shumë të rëndësishme për praktikën e suksesshme të mësimdhënies.
Pas çdo njësie mësimore pason një diskutim i detajuar me mësuesin mentor. Së bashku, pjesëmarrësit reflektojnë mbi aspektet pozitive dhe sfidat e mësimdhënies. Kështu, ata ndihmohen të përmirësojnë proceset mësimore, të fitojnë siguri në dhënien e mësimit dhe të zhvillojnë më tej personalitetin e tyre si mësues.
Qëllimet e të nxënit të këtij trajnimi
Pjesëmarrësit..
- njihen me parimet metodike-didaktike dhe dinë si të aplikohen ato në mësimdhënie.
- mund të vëzhgojnë mësimin dhe ta vlerësojnë atë sipas kritereve të rëndësishme të cilësisë.
- mund të reflektojnë mbi mësimin e tyre dhe atë të të tjerëve, dhe të shkëmbejnë përvoja me kolegët.
- njihen me materialet bashkëkohore të mësimit dhe format mediatike të prezantimit.
- mund të krijojnë ushtrime dhe detyra të orientuara nga nxënësit për përdorim në mësim. · mund të aplikojnë forma të përshtatshme pune për grupin e tyre të synuar.
- janë të vetëdijshëm për rolin e tyre si mësues dhe planifikojnë mësimin në përputhje me këtë.
