Explore Germany Through Play!

နိုဝင်ဘာလ Board Game Day မှာတော့ ‘Deutschland Entdecken: Eine Quiz – und Sprachreise von Stadt zu Stadt’ ဆိုတဲ့ ဂိမ်းလေးကို ဆော့ကြမှာဖြစ်ပါတယ်။ ဒီ Board Game လေးက  ဂျာမနီနိုင်ငံရှိ မြို့ပေါင်း ၁၂၅ မြို့ကို အခြေခံထားပြီး ကစားသမားတွေက မိမိတို့၏ ဂိမ်းရုပ်တု (Spielfigur) လေးနဲ့ ဂျာမနီနိုင်ငံတစ်ဝန်းရှိ မြို့တွေကို အလည်သွားရမှာပါ။

မြို့ကတ် (Städtekarten) တွေက ကိုယ် သွားရောက်ရမည့် မြို့များကို သတ်မှတ်ပေးပြီး၊ အဲ့မြို့တွေကို ရောက်ရှိရန်အတွက် Reisekarten ပေါ်ရှိ မေးခွန်းများကို  ဂျာမန်ဘာသာစကား၊ သမိုင်း၊ ယဉ်ကျေးမှုနှင့် ပထဝီဝင်ဆိုင်ရာ မေးခွန်းတွေကို ခန့်မှန်းဖြေဆိုပေးရမှာဖြစ်ပါတယ်။  အဖြေမှန်ပါက ရုပ်တုကို ရှေ့သို့ ရွှေ့နိုင်ပြီး၊ အဖြေမှားပါက နေရာမရွှေ့ရပါဘူး။ ဒါကြောင့် သတ်မှတ်ထားတဲ့ မြို့ ၅ မြို့ကို အရင်ဆုံး သွားရောက်နိုင်သူသာ ဂိမ်းအနိုင်ရရှိမှာပါ။ ဂျာမန်နိုင်ငံရဲ့ ပထ၀ီဝင်ဆိုင်ရာ ဗဟုသုတလေးတွေကို သိရှိရမှာဖြစ်တာကြောင့် ဂိမ်းကစားပြီးသွားရင်လည်း ကိုယ် သွားလည်ချင်တဲ့၊ နေချင်မိတဲ့မြို့လေးအကြောင်းလည်း  မျှဝေလို့ ရပါတယ်။

ဒီဂိမ်းလေးက ဂျာမန်ဘာသာစကား A2 – B1 Level အတွက်ဖြစ်ပြီး  စိတ်ပါ၀င်စားသူများအနေဖြင့် biblio-yangon@goethe.de သို့ အမည်၊  ဖုန်းနံပါတ်၊ မိမိရဲ့ ဂျာမန် level ကိုအီးမေးလ်ပေးပို့ပြီး စာရင်းပေးသွင်းနိုင်ပါတယ်။