ဂျာမန်စကားကို အခမဲ့ လေ့ကျင့်ပါ။

တစ်တော့ခ်နှင့်အင်စတာဂရမ်တွင် ဂျာမန်လို ကွန်မန့်ပေးလိုပါသလား။ စိတ်လှုပ်ရှားဖွယ် အွန်လိုင်းဂိမ်းတစ်ခု ဆော့ချင်ပါသလား။ ဒါဆိုရင်တော့ ဒီမှာတစ်ချက် ကြည့် ကြည့်ပါ။ သင့်အတွက် အပ်ပလီကေးရှင်းနှင့်ဂိမ်းများ ဖန်တီးပေးထားပြီး ဗီဒီယိုများလည်းထုတ်လုပ်ကာ ရုပ်ရှင်ကားပေါင်း ၁၀၀ ကျော်ကိုလည်း ရွေးချယ်ပေးထားပါတယ်။ ဒါ့အပြင် ကျွန်ုပ်တို့ရဲ့ ဒစ်ဂျစ်တယ် ကလေးနဲ့ဂျူနီယာ တက္ကသိုလ်က စိတ်ဝင်စားဖွယ် စမ်းသပ်မှုများကိုလည်း ပြသထားပါတယ်။

ဂျာမနီတွင် နေထိုင် အလုပ် လုပ်ကိုင်လိုပါသလား။ ဤနေရာမှာ သင့်ဂျာမန်စကားကို မြှင့်တင်ပေးနိုင်တဲ့ A1 ကနေ B2 နဲ့ C2 အထိ အခမဲ့ လေ့ကျင့်ခန်းများ၊ အပ်ပလီကေးရှင်းများနဲ့ ရုပ်ရှင်များလည်း ရှိပါတယ်။ ဒီလေ့ကျင့်ခန်းတွေက သင့်ရဲ့ဂျာမနီကနေ့စဉ်ဘဝအတွက် ပြင်ဆင်ပေးထားပြီး ဥပမာအားဖြင့် နေထိုင်ခြင်း (သို့) ဈေးဝယ်ခြင်း စတဲ့အကြောင်းအရာများပါဝင်ပါတယ်။ ဒါ့အပြင် ဂျာမနီမှာလက်ရှိနေထိုင်အလုပ်လုပ်ကိုင်နေတဲ့သူတွေကလည်း သူတို့ရဲ့အတွေ့အကြုံတွေကို မျှဝေပေးထားပါတယ်။

ဂျာမနီတွင် နေထိုင် အလုပ် လုပ်ကိုင်လိုပါသလား။ ဤနေရာမှာ သင့်ဂျာမန်စကားကို မြှင့်တင်ပေးနိုင်တဲ့ A1 ကနေ B2 နဲ့ C2 အထိ အခမဲ့ လေ့ကျင့်ခန်းများ၊ အပ်ပလီကေးရှင်းများနဲ့ ရုပ်ရှင်များလည်း ရှိပါတယ်။ ဒီလေ့ကျင့်ခန်းတွေက သင့်ရဲ့ဂျာမနီက လုပ်ငန်းခွင်နေ့စဉ်ဘဝကို ပိုမိုကောင်းမွန်စွာ သိကျွမ်းနားလည်စေပါတယ်။ အလုပ်အင်တာဗျူးမှာ ဘယ်အရာတွေကို သတိထားရမလဲ။ ယေဘုယျအားဖြင့် တစ်ပတ်မှာ ဘယ်နှစ်နာရီ အလုပ်လုပ်ရသလဲ။ ဒီအဖြေတွေကို ဂျာမနီမှာအလုပ်လုပ်နေသူတွေရဲ့ ဗီဒီယိုမှာ တွေ့နိုင်ပါတယ်။

ပဟေဠိကိုအဖြေညှိရင်း ဂျာမန်စကားကို အခမဲ့ လေ့ကျင့်လိုပါသလား။ ဒါဆိုရင်တော့ ဒီမှာတစ်ချက် ကြည့် ကြည့်ပါ။ သင့်အတွက် ကမ္ဘာကြီးနဲ့ ဂျာမနီအကြောင်း လွယ်ကူတဲ့ အသိပညာဗဟုသုတမေးခွန်းတွေရော ခက်ခဲတဲ့မေးခွန်းတွေပါ ပြင်ဆင်ပေးထားပါတယ်။ ဥပမာ - ကမ္ဘာရဲ့ ဘယ်ဒေသတွေမှာ ပင်ကွင်းတွေ အများဆုံးနေထိုင်သလဲ။ ဂျာမန်တီထွင်သူ Carl Benz က ဘယ်လို အားလပ်ရက်အချိန်ပိုင်းအလုပ်ကို လုပ်ခဲ့ပါသလဲ။ သင့်ရဲ့အသိပညာကို စမ်းသပ်ပြီး သင်ဘာတွေသိသလဲဆိုတာ ပြသလိုက်ပါ။

ဘာသာစကားအဆင့်အမျိုးမျိုး၊ သင်ကြားမှုပုံစံအမျိုးမျိုးအတွက်၊ ကျောင်း၊ တက္ကသိုလ်၊ အလုပ်နှင့်နေ့စဉ်သုံးအတွက်၊ သင့်အတွက် ကျွမ်းကျင်ပညာရှင်များ၏ အွန်လိုင်းနှင့်အပြင်သင်တန်းများ။ သင့်အတွက် သင့်လျော်တဲ့သင်တန်းကို ရှာဖွေပါ။

ဘာသာစကားအဆင့်တိုင်းကို စာမေးပွဲဖြေဆိုခြင်းဖြင့် ပြီးမြောက်အောင်မြင်နိုင်ပါတယ်။ Goethe-Institut ၏စာမေးပွဲများအားလုံးသည် နိုင်ငံတကာအသိအမှတ်ပြုပြီး ကမ္ဘာတစ်ဝှမ်းက တန်ဖိုးထားကြပါတယ်။