ဘာသာပြန်အစီအစဥ်

Books on a shelf Foto: © Goethe-Institut Budapest

Goethe-Institut ၏ ကူညီပံ့ပိုးမှုအစီအစဥ်တစ်ခု ဖြစ်တဲ့ ,,ဂျာမန်စာအုပ်များကို ဘာသာပြန်ဆိုခြင်း” က နိုင်ငံရပ်ခြားက ထုတ်၀ေသူတွေကို ဂျာမန်စာပေ ထုတ်၀ေဖို့ ကူညီထောက်ပံ့ပေးပါတယ်။ ခေတ်ပြိုင်စာပေ၊ ကလေးနှင့် လူငယ်စာပေများ၊ အရေးကြီးသည့် သိပ္ပံအကြောင်းအရာနှင့် ဘာသာရပ်ဆိုင်ရာစာအုပ်များကို ဤနည်းအားဖြင့် ဂျာမန်ဘာသာစကားမသုံးတဲ့ စာဖတ်သူတွေအတွက် ဖတ်ရှုနိုင်ဖို့ ဖြစ်ပါတယ်။
 
ဤအစီအစဥ်မှာ ယဥ်ကျေးမှုနဲ့ နိုင်ငံရေးရည်ရွယ်ချက်များ ပါ၀င်ပြီး၊ အရေးကြီးတဲ့ ထိန်းကျောင်းမောင်းနှင်မှုတစ်ရပ်ကတော့ နိုင်ငံရပ်ခြား ယဥ်ကျေးမှုနဲ့ ပညာရေးမူ၀ါဒပဲ ဖြစ်ပါတယ်။
 
လွန်ခဲ့တဲ့ နှစ်ပေါင်း ၄၀ အတွင်းမှာ ဂျာမန်စာအုပ်ပေါင်း ၆၀၀၀ ကျော်ကို နိုင်ငံခြားဘာသာစကား ၄၅ ခုအထိ ဘာသာပြန် ထုတ်၀ေဖို့ ဘဏ္ဍာရေးအရ ကူညီပေးနိုင်ခဲ့ပါတယ်။

သင်၏လျှောက်ထားချက်ကို မြန်မာနိုင်ငံက Goethe-Institut ကလက်ခံကြည့်ရှုမည်ဖြစ်ပါသည်။ ထို့နောက် သင်၏ပရောဂျက်ကိုထောက်ပံ့ကူညီပေးနိုင်ဖို့သဘောတူညီပါက၊ မြူးနစ်မြို့က Goethe-Institut ဌာနချုပ်ကိုထောက်ခံချက်ရေးသားပို့ပေးမည်ဖြစ်သည်။ ဌာနချုပ်မှာရှိသည့်ကော်မတီတစ်ရပ်က ထောက်ပံ့ငွေပမာဏကိုဆုံးဖြတ်ပေးသွားမည်ဖြစ်ပါသည်။
 
ကော်မတီအနေဖြင့် တစ်နှစ်တွင်လေးကြိမ်တွေ့ဆုံပါသည်။
  • ဖေဖော်ဝါရီလအစပိုင်း။   ။လျှောက်ထားရမည့်နောက်ဆုံးရက် - ဒီဇင်ဘာလ (၁) ရက်
  • ဧပြီလကုန်။   ။လျှောက်ထားရမည့်နောက်ဆုံးရက် - မတ်လ (၁) ရက်
  • ဇူလိုင်လကုန်။   ။လျှောက်ထားရမည့်နောက်ဆုံးရက် - ဇွန်လ (၁) ရက်
  • နို၀င်ဘာလအစပိုင်း။   ။လျှောက်ထားရမည့်နောက်ဆုံးရက် - စက်တင်ဘာလ (၁၅) ရက်
ပညာရပ်ဆိုင်ရာနှင့်လူမှုသိပ္ပံလေ့လာရေးဆိုင်ရာစာအုပ်များအတွက် လျှောက်ထားလွှာများကို ကော်မတီက ဖေဖော်ဝါရီလနှင့်ဇူလိုင်လတွေ့ဆုံပွဲများတွင်ဆုံးဖြတ်ပါသည်။ 
၁။ စာပေထုတ်ဝေရေးတိုက်များလျှောက်ထားခြင်း။   ။နိုင်ငံခြား (ဂျာမနီမှမဟုတ်သော) စာပေထုတ်ဝေရေးတိုက်များသာ လျှောက်ထားခွင့်ရှိသည်။
 
၂။ ထုတ်ဝေပြီးသောစာအုပ်များ။   ။ဂျာမန်ဘာသာစကားပြောသည့်နိုင်ငံများ၊ အသိုင်းအဝိုင်းများရှိစာအုပ်တိုက်တစ်တိုက်က စာအုပ်အဖြစ်ထုတ်ဝေပြီးသည့်၊ ဂျာမန်စာရေးဆရာ၊ ဆရာမတစ်ဦးဦး၏လက်ရာများကိုဘာသာပြန်ဆိုခြင်းကိုသာထောက်ပံ့ကူညီသည်။
 
၃။ မူရင်းဘာသာစကားမှဘာသာပြန်ဆိုခြင်း။   ။ဘာသာပြန်ဆိုခြင်းသည် မူရင်းဂျာမန်ဘာသာစကားဖြင့်ရေးသားထားသည့်စာကိုသာ ပြန်ဆိုခြင်းဖြစ်ရမည်။
 
၄။ ဘာသာပြန်မူထွက်ရှိသည့်ရက်။   ။ဘာသာပြန်ထောက်ပံ့ကူညီခြင်းစာချုပ်ကိုမချုပ်ဆိုမီ ပုံနှိပ်စက်တွင်ရိုက်နှိပ်ဆဲမဟုတ်သည့်စာအုပ်များကိုသာ ထောက်ပံ့ကူညီရန်ထည့်သွင်းစဥ်းစားမည်။
 
၅။ ဘာသာပြန်ကြေးငွေထောက်ပံ့ခြင်း။   ။ဘာသာပြန်ထားသည့်စာအုပ်ထွက်ရှိပြီးသည့်နောက်မှသာ Goethe-Institut က ထောက်ပံ့ကြေးငွေကိုပေးအပ်သွားမည်ဖြစ်ပါသည်။ ထောက်ပံ့မည်မှာ ဘာသာပြန်ခြင်းစရိတ်၏တစ်စိတ်တစ်ပိုင်းကို ဖြစ်ပါသည်။ ဘာသာပြန်ခြင်းစရိတ်အလုံးစုံ ဥပမာ - ဘာသာပြန်ခွင့်ပြုချက်၊ ပုံနှိပ်စက်ကြေးနှင့်အယ်ဒီတာကြေးများကို တာ၀န်ယူထောက်ပံ့မည်မဟုတ်ပါ။
 
၆။ Goethe-Institut ၏အမည်နှင့် logo။   ။ထောက်ပံ့ခြင်းကိုလက်ခံရရှိသည့်စာပေထုတ်ဝေရေးတိုက်အနေနှင့် စာမှတ်တမ်းတွင် Goethe-Institut အားထောက်ပံ့ကူညီသူအဖြစ်အမည်ဖော်ပြပြီး Goethe-Institut ၏ logo ကိုထည့်သွင်းရိုက်နှိပ်ရန်တာ၀န်ရှိသည်။ ထိုသို့လုပ်ဆောင်ရန်ပျက်ကွက်ပါက ထောက်ပံ့ကြေးငွေကိုပေးအပ်မည်မဟုတ်ပါ။  
 
၇။ ဘာသာပြန်ဉာဏ်ပူဇော်ခ။   ။ထောက်ပံ့ကြေးငွေပေးအပ်ရာတွင် ဘာသာပြန်သူရရှိရမည့်ငွေပမာဏကိုသာပေးမည်ဖြစ်ပြီး၊ ဘာသာပြန်သူအား နောက်အကျဆုံး သူ၏ဘာသာပြန်ထားသည့်စာအုပ်မထွက်မီ ဉာဏ်ပူဇော်ခပေးပြီးဖြစ်ရမည်။
 
၈။ ဘာသာပြန်မူကို E-Book အဖြစ် Onleihe တွင်ထားရှိခြင်း။   ။E-Book အဖြစ်ထွက်ရှိမည့်ဘာသာပြန်စာအုပ်များကို Goethe-Institut အနေဖြင့် စာရင်းပေးသွင်းထားသည့်အသုံးပြုသူများအတွက် ၄င်း၏ Onleihe ဒစ်ဂျစ်တယ်စာကြည့်တိုက်တွင် အဆင်သင့်ထားရှိမည်ဖြစ်ပါသည်။ စာပေထုတ်ဝေရေးတိုက်အနေဖြင့် ဘာသာပြန်မူကို epub အနေဖြင့်လည်းပေးအပ်ရမည့်တာ၀န်ရှိသည်။
ဘာသာပြန်တည်းဖြတ်မူတွင် ပုံနှိပ်ရန် Goethe-Institut ၏လိုဂိုကို ဤနေရာတွင်ကြည့်ပါ။