သိပ္ပံရုပ်ရှင်ပွဲတော် (၂၀၂၆)
ဖျော်ဖြေမှုမှသည် အသိပညာဆီသို့

ကျွန်ုပ်တို့၏ ရုပ်ရှင်ရွေးချယ်ရေး လုပ်ငန်းစဉ်တွင် သိပ္ပံပညာသင်ကြားရေး၊ သိပ္ပံဆက်သွယ်ပြောဆိုရေး၊ ဆရာအတတ်ပညာဖွံ့ဖြိုးရေး၊ ကျား/မ တန်းတူညီမျှရေးနှင့် စိတ်လူမှုရေးဆိုင်ရာ ပံ့ပိုးကူညီမှု၊ လူငယ်ဖွံ့ဖြိုးရေးနှင့် ရပ်ရွာဖွံ့ဖြိုးရေး နယ်ပယ်များမှ အတွေ့အကြုံရှိ Pre-Jury အဖွဲ့ဝင် (၅) ဦး ပါဝင်ပါသည်။ သူတို့၏ ဒေသဆိုင်ရာ အခြေအနေနှင့် ကြည့်ရှုမည့်ပရိသတ်များအပေါ် နက်ရှိုင်းစွာ နားလည်သဘောပေါက်မှုက ရွေးချယ်ထားသော ရုပ်ရှင်များ၏ သင့်လျော်မှုနှင့် လက်လှမ်းမီနိုင်မှုကို အာမခံပေးပါသည်။ ပရိသတ်များ ပိုမိုနားလည်ခံစားနိုင်စေရန် ရွေးချယ်ထားသော ရုပ်ရှင် (၉) ကားကို မြန်မာဘာသာသို့ ဘာသာပြန်ဆိုကာ၊ အသံထပ်ပြသမည်ဖြစ်ပါသည်။ ကျန်ရှိသော ရုပ်ရှင်များကို မူရင်းဘာသာစကားဖြင့် ပြသမည်ဖြစ်ပြီး အင်္ဂလိပ်စာတန်းထိုးများ ထည့်သွင်းပေးထားမည်ဖြစ်သောကြောင့် ကြည့်ရှုမည့် ကျောင်းသူကျောင်းသား၊ ပရိသတ်များအတွက်လည်း ကြည့်ရှုနားလည်နိုင်မည့် အခွင့်အလမ်းကို ပံ့ပိုးပေးလျက်ရှိပြီး နိုင်ငံတကာမှ သိပ္ပံပညာဆိုင်ရာ စိတ်ဝင်စားဖွယ် အကြောင်းအရာများကိုလည်း ကျယ်ပြန့်စွာ လေ့လာနိုင်မည် ဖြစ်ပါသည်။

သိပ္ပံရုပ်ရှင်ပွဲတော်တွင် ပြသသည့် ရုပ်ရှင်များနှင့် ဆက်စပ်သော သင်ယူရေး လှုပ်ရှားမှုများကို ပံ့ပိုးကူညီသူများ၊ ဆရာ/ဆရာမများနှင့် မိဘများအတွက် စုစည်းဖော်ပြထားပါသည်။ ပညာရေးဂိမ်းများ၊ ပရောဂျက်လုပ်ငန်းများနှင့် လက်တွေ့စမ်းသပ်မှုများကို ပွဲတော်မတက်ရောက်မီ သို့မဟုတ် တက်ရောက်ပြီးနောက် လုပ်ဆောင်နိုင်ပြီး ကလေးများ၏ သင်ယူမှုအတွေ့အကြုံကို ပိုမိုစိတ်ဝင်စားဖွယ်ကောင်းကာ အကျိုးရှိစေမည်ဖြစ်ပါသည်။