• Study time © Goethe-Institut Myanmar / Paragon Cre8tive
    Study time
  • Reading corner © Goethe-Institut Myanmar / Paragon Cre8tive
    Reading corner
  • Listening station © Goethe-Institut Myanmar / Paragon Cre8tive
    Listening station
  • Library's interior © Goethe-Institut Myanmar / Paragon Cre8tive
    Library's interior
  • Library © Goethe-Institut Myanmar / Paragon Cre8tive
    Library

Goethe-Institut မြန်မာ၏ စာကြည့်တိုက်ကို မတ်လ ၂၁ ရက်နေ့ ၂၀၂၂ မှစတင်၍ အချိန်ပိုင်းပြန်လည်ဖွင့်လှစ်တော့မည်ဖြစ်ကြောင်းကို အသိပေးကြေငြာအပ်ပါသည်။

မတ်လ ၂၁ ရက်နေ့မှစတင်၍ စာအုပ်ငှားရမ်းခြင်း/ ပြန်လည်အပ်နှံခြင်းတို့ကို စာကြည့်တိုက်ဖွင့်ချိန်အတွင်း တနင်္လာ၊ ဗုဒ္ဓဟူး၊ သောကြာ မနက်ပိုင်း (၉း၃၀ မှ ၁၂း၃၀) (သို့မဟုတ်) နေ့လည်ပိုင်း (၁း၃၀ မှ ၄း၀၀) နာရီ တွင် ပြုလုပ်နိုင်ပါသည်။ Covid-19 ကူးစက်ရောဂါ ဖြစ်ပွားမှုကာလအတွင်း  စာကြည့်တိုက် အသုံးပြုရာတွင် အသင်း၀င်များ ဘေးကင်းလုံခြုံမှုရှိစေရန်အတွက် စာကြည့်တိုက် အသုံးပြုနိုင်မည့် လူဦးရေကို ကန့်သတ်ထားသောကြောင့် မိမိလာရောက်လိုသည့် အချိန်ပိုင်းနှင့် နေ့ရက်ကို biblio-yangon@goethe.de သို့ အီးမေးလ်ပေးပို့ပြီး ကြိုတင်ရက်ချိန်းရယူနိုင်ပါသည်။


Current information: Corona

စာကြည့်တိုက်တွင် ရရှိနိုင်မည့် ၀န်ဆောင်မှုများမှာ-

စာအုပ်များ၊ အခွေများ၊ သင်ထောက်ကူ စာအုပ်စာတမ်းများနှင့် အခြားသောမီဒီယာများတို့ကို ငှားရမ်းခြင်း၊ ပြန်လည်အပ်နှံခြင်း တို့ကို ပြုလုပ်နိုင်ပါသည်။
မိမိငှားရမ်းလိုသည်များကို စာကြည့်တိုက်၏ အွန်လိုင်းကတ်တလောက်  yangon.bibliothek.goethe.de မှတဆင့် ကြိုတင်မှာယူနိုင်ပါသည်။ ပြုလုပ်ပုံအဆင့်ဆင့်ကို အောက်ပါ Link တွင် ဖော်ပြပေးထားပါသည်။
 
စာကြည့်တိုက်အသင်း၀င်ဖြစ်ဖို့အတွက် အွန်လိုင်းကနေ စာရင်းပေးသွင်းရန် လိုအပ်ပါတယ်။ အသင်း၀င်ဖြစ်ဖို့အတွက် အရေးအကြီးဆုံး အချက်အလက်များကို ဖြည့်စွက်ပြီး၊ သင့်အီးမေးလ်လိပ်စာကို အတည်ပြုနိုင်ဖို့ ဤလျှောက်လွှာကို ဖြည့်စွက်ရပါမယ်။ စာကြည့်တိုက်ကို လာရောက်ပြီး ကျွန်ုပ်တို့ရဲ့ ဒစ်ဂျစ်တယ် စာကြည့်တိုက်ကတ် BibToGo ကို ရယူလိုက်ပါ။ ကျွန်ုပ်တို့စာကြည့်တိုက်အဖွဲ့သားများက သင်စာကြည့်တိုက်သို့ လာရောက်တဲ့အခါ  အသေးစိတ်အချက်အလက်များကိုရှင်းပြဖို့ အဆင်သင့်ရှိနေပါတယ်။
COVID-19 ကာကွယ်ရန်အတွက် စာကြည့်တိုက်အသုံးပြုသူများ လိုက်နာရမည့် လမ်းညွှန်ချက်များကို အောက်ပါ link တွင် ဖတ်ရှုလက်ခံပြီး၊ လိုက်နာပေးပါရန်ပန်ကြားအပ်ပါသည်။
Covid-19 ကူးစက်ရောဂါ ဖြစ်ပွားမှုကာလအတွင်း စာကြည့်တိုက် အသုံးပြုရာတွင် အသင်း၀င်များ ဘေးကင်းလုံခြုံမှုရှိစေရန်အတွက် စာကြည့်တိုက် အသုံးပြုနိုင်မည့် လူဦးရေကို ကန့်သတ်ထားပြီး၊ စာကြည့်တိုက်သို့ N94၊ N95 (သို့မဟုတ်) FFP2 နှာခေါင်းစည်း ၀တ်ဆင်ထားမှသာ ၀င်ရောက်နိုင်ပါမည်။ ပူးပေါင်းပါ၀င်လိုက်နာမှုအတွက် အထူးပင် ကျေးဇူးတင်ရှိပါသည်။

COVID-19 ကာကွယ်ရန်အတွက် စာကြည့်တိုက်အသုံးပြုသူများ လိုက်နာရမည့် လမ်းညွှန်ချက်များ

၀န်ဆောင်မှုများ

စာအုပ်ငှားရမ်းခြင်း

စာကြည့်တိုက်ကို လူတိုင်းအသုံးပြုနိုင်ပြီး၊ စာအုပ်များနဲ့ မီဒီယာများ အသုံးပြုခြင်းက အခမဲ့ဖြစ်ပါတယ်။

Onleihe: ဂျာမန်ဒစ်ဂျစ်တယ်
စာကြည့်တိုက်

ကျွန်ုပ်တို့ရဲ့ ဒစ်ဂျစ်တယ်စာကြည့်တိုက် ,,Onleihe“ မှာတော့ ဂျာမန်ဘာသာစကားနှင့် ဖော်ပြထားသည့် မီဒီယာပေါင်း သုံးသောင်းငါးထောင်ကျော်ကို ဒေါင်းလုပ်ဒ်ဆွဲ၊ အသုံးပြုနိုင်ရန် အဆင်သင့်ထားရှိထားပါတယ်။ အချိန်တိုင်း၊ နေရာတိုင်းမှာ အခမဲ့ အသုံးပြုနိုင်ပါတယ်။

ဘာသာပြန်ရန်ပုံငွေ

ကျွန်ုပ်တို့ရဲ့ ဘာသာပြန်ရန်ပုံငွေအစီအစဥ်က ဂျာမန်စာရေးသူတွေရဲ့ ဂျာမန်ဘာသာစကားနဲ့ ထုတ်၀ေထားတဲ့ စာအုပ်တွေကို အခြားဘာသာစကားနဲ့ပြန်ဆိုနိုင်ဖို့ရာ ကူညီထောက်ပံ့ပေးပါတယ်။

BIBTOGO: GOETHE-INSTITUT ၏ဒစ်ဂျစ်တယ်စာကြည့်တိုက်ကတ်

BibToGo သည် Goethe-Institut ၏စာကြည့်တိုက် Application ဖြစ်ပြီး၊ သင်၏ကိုယ်ပိုင်စာကြည့်တိုက်အကောင့်လည်း ဖြစ်ပါတယ်။ ထို App မှတဆင့် စာကြည့်တိုက်မီဒီယာနှင့်၀န်ဆောင်မှုများကို သင်လိုအပ်သည့်အချိန်တိုင်း ရရှိနိုင်မှာဖြစ်ပါတယ်။ BibToGo ကိုသင်၏မိုဘိုင်းဖုန်းမှာ အခုပဲဒေါင်းလုပ်ဒ်ဆွဲပြီး၊ ကျွန်ုပ်တို့၏စာကြည့်တိုက်ကို သင်၏အိတ်ကပ်ထဲမှာ သယ်ဆောင်သွားလို့ရနိုင်ပါပြီ။ 
 

Get Your Virtual One-On-One Q&A Session. Let’s Meet a Librarian!

ကျွန်မတို့ စာကြည့်တိုက်မှူးများက သင့်ရဲ့ အခက်အခဲများ ကို ကူညီဖြေရှင်းပြီး အကြံဥာဏ်ပေးဖို့ အဆင်သင့်ရှိနေပါတယ်။