Mësimi kreativ i gjuhës përmes metodave vizuale

Me:

Tajana Kušljić

Kur:
nga 13 prill 2025 – asinkrone
1Më 18 prill 2026 – nga ora 10:00 deri në 11:30, drejtpërdrejt përmes Zoom-it
deri më 24 prill 2026 – testim asinkron

Ku:
Zoom

Kush:
Mësues/e të gjuhës gjermane në shkollat e Bosnjë dhe Hercegovinës, Kroacisë, Hungarisë, Rumanisë, Maqedonisë së Veriut dhe Serbisë

Kohëzgjatja e pjesëmarrjes:
1,5 orë përgatitje
1,5 orë pjesëmarrje virtuale
2 orë ndjekje / implementim

Webinarët “Lidhje përmes të nxënit – Krijim përtej kufijve” organizohen bashkërisht nga Institutet Goethe në Bosnjë dhe Hercegovinë, Kroaci, Hungari, Rumani, Maqedoni e Veriut dhe Serbi.
Së bashku i sjellim temat e mësimit shkollor të gjermanishtes si gjuhë e huaj (DaF) në shtëpinë tuaj përmes ofertës sonë të webinareve në platformën Zoom. Faza hyrëse asinkrone ju mundëson të njiheni me mjedisin tonë të punës në Zoom dhe të përgatiteni për seminarin virtual më 18.04.2026 nga ora 10:00 deri në 11:30.

Në prill merremi me temën “Mësimi kreativ i gjuhës përmes metodave vizuale”. Në fokus të këtij webinari është përdorimi kreativ i metodave vizuale në mësimin e gjermanishtes si gjuhë e huaj, me qëllim që gjuha t’u afrohet nxënësve në një mënyrë të qartë dhe interesante. Qëllimi është të mbështeten mësuesit e gjermanishtes në pasurimin e punës me fjalorin dhe prodhimin gjuhësor përmes figurave, simboleve, tregimeve vizuale dhe detyrave kreative, si dhe të përfshihen në mënyrë aktive nxënësit në procesin e të nxënit.
Pjesëmarrësit do të mësojnë se si nxitjet vizuale mund ta lehtësojnë mësimin e gjuhës, të rrisin motivimin dhe të thjeshtojnë përvetësimin e fjalëve dhe strukturave të reja gjuhësore. Përmes shembujve praktikë do të provojnë metoda vizuale dhe do të zhvillojnë detyra që mund të përdoren si në mësimin në klasë, ashtu edhe në mjedise online.
Webinari gjithashtu ofron hapësirë për shkëmbimin e përvojave dhe zhvillimin e përbashkët të ideve, me qëllim që mësimi të bëhet më i larmishëm, më interaktiv dhe vizualisht më tërheqës.

Afati i aplikimit: 05 prill 2026

Formular aplikimi

Për shkak të numrit të kufizuar të vendeve (30), rekomandojmë aplikim në kohë.