Goethe-Zertifikat A1: Start Deutsch 1

အသင်သည်

ဂျာမနီနိုင်ငံတွင် Au-Pair နေရာတစ်ခု လျှောက်ထားလိုပါသလား
ဂျာမနီတွင် နေထိုင်သော မိမိ၏ အိမ်ထောင်ဖက်ဆီသို့ လိုက်ပါသွားရန် ဗီဇာလျှောက်ထားလိုပြီး ဘာသာစကားတတ်ကျွမ်းကြောင်း ထောက်ခံအသိအမှတ်ပြုပေးသည့် အောင်လက်မှတ် လိုအပ်ပါသလား
A1 အဆင့် ဘာသာစကားစွမ်းရည်ရှိကြောင်း သက်သေပြလိုပါလား
နိုင်ငံတကာမှ အသိအမှတ်ပြုသော တရား၀င် စာမေးပွဲအောင်လက်မှတ်တစ်ခု ရရှိလိုပါသလား

Goethe-Zertifikat A1: Start Deutsch 1 စာမေးပွဲသည် အရွယ်ရောက်ပြီးများအတွက် ဂျာမန်ဘာသာစကားစာမေးပွဲတစ်ခု ဖြစ်ပါသည်။ ဤစာမေးပွဲသည် ဥရောပဘာသာစကားများ စံချိန်စံညွှန်းသတ်မှတ်ချက် အဆင့်ခြောက်ဆင့်တွင် ပထမဆုံးအဆင့်ဖြစ်သည့် A1 နှင့်ညီမျှပြီး အသင့်ထံတွင် လွယ်ကူရိုးရှင်းသည့် အခြေခံ ဂျာမန်ဘာသာစကား စွမ်းရည်များရှိကြောင်းကို အတည်ပြုပေးပါသည်။

စာမေးပွဲအောင်သည်ဆိုပါက အသင်သည် အောက်ပါအချက်များကို လုပ်ဆောင်နိုင်ကြောင်း ပြသခြင်းဖြစ်ပါသည်။

အကယ်၍ အသင်နှင့် စကားပြောနေသူသည် ဖြည်းဖြည်းနှင့် ပီပီသသ ပြောဆိုပြီး အသင်နားမလည်သည့် အရာများအတွက် အသင့်အား ကူညီရှင်းပြပေးပါက ထိုကဲ့သို့သော လွယ်ကူသည့် အမေးအဖြေများကို ပြောဆိုနားလည်နိုင်ခြင်း
ရင်းနှီးကျွမ်းဝင်နေကျ၊ နေ့စဉ်သုံး အသုံးအနှုန်းများ၊ လွယ်ကူရိုးရှင်းသည့် စာကြောင်းများကို နားလည်နိုင်ခြင်း (ဥပမာ။ ။ လူပုဂ္ဂိုလ်အကြောင်း၊ မိသားစုအကြောင်း၊ စျေး၀ယ်ခြင်း၊ အလုပ်၊ အိမ်အနီးအနားပတ်၀န်းကျင်အကြောင်း)
မိမိကိုယ်ကိုနှင့် အခြားသူများကို မိတ်ဆက်ပေးနိုင်ခြင်း။ အခြားသူများကို ၎င်းတို့အကြောင်း မေးခွန်းများမေးနိုင်ခြင်း ဥပမာ။ ။ မည်သည့်နေရာတွင် နေထိုင်သည်၊ မည်သူတို့ကို သိကျွမ်းသည် သို့မဟုတ် မည်သည့်အရာများ ရှိသည် စသဖြင့်။

စာမေးပွဲအတွက် ပြင်ဆင်ခြင်း

လေ့ကျင့်ခန်းများ

အွန်လိုင်းမှတစ်ဆင့် လေ့ကျင့်နိုင်သည့် အစမ်းစာမေးပွဲများနှင့် လေ့ကျင့်ခန်းများကို ဤနေရာတွင် ရိုးရိုးပုံစံဖြင့်လည်းကောင်း၊ interactive ပုံစံဖြင့်လည်းကောင်း၊ ကိုယ်ခန္ဓာပိုင်းဆိုင်ရာ၊ သို့မဟုတ် ကျန်းမာရေးပိုင်းဆိုင်ရာ ချို့ယွင်းအားနည်းချက်ရှိသူများလည်း အသုံးပြုနိုင်သောပုံစံဖြင့်လည်းကောင်း အမျိုးအစားစုံလင်စွာ ရရှိနိုင်ပါသည်။

လေ့ကျင့်ခန်းများသို့

အခြားသတင်းအချက်အလက်များ

Goethe-Zertifikat A1: Start Deutsch 1 အတွက် လိုအပ်ချက်များ၊ စာမေးပွဲအကြောင်းအရာများနှင့် အခြားသတင်းအချက်အလက်များကို ဤနေရာတွင် တွေ့ရှိနိုင်ပါသည်။

အခြားသတင်းအချက်အလက်များ