အလယ်အလတ်အဆင့်

ဤနေရာတွင် သင်၏အလုပ်အတွက် ဂျာမန်စာကို A1 မှ B2 အဆင့်ထိ အခမဲ့လေ့ကျင့်နိုင်ပါသည်။ ဂျာမနီမှနေ့စဉ်ဘဝအကြောင်း အင်တာဗျူးများ၊ ရုပ်ရှင်များဖြင့် ပြသထားပြီး ဂျာမနီတွင် အားလပ်ရက်မည်မျှရရှိသနည်း ကဲသို့သောမေးခွန်းများကိုလည်း ဥပမာများဖြင့် ရှင်းပြထားပါသည်။ 

ဟိုင်း ငါ့နာမည်က Ida ပါ။ YouTube ပေါ်က မင်းရဲ့ဂျာမန်ဘာသာစကားဆရာမပါ။ ငါ့ဆီကနေ သဒ္ဒါ၊ ဝေါဟာရအသစ်တွေသင်ယူနိုင်ပြီး ဂျာမနီမှာနေထိုင်မှုဘဝအတွက် အကြံပေးချက်တွေလည်း ရယူနိုင်ပါတယ်။ မင်းသာ ဂျာမန်ဘာသာစကား တတ်ကျွမ်းပြီးဖြစ်မယ်ဆိုရင် (အထူးသဖြင့် A2 ကနေ B1 အထိသင့်လျော်ပါတယ်) ငါ့ရဲ့ဗီဒီယိုတွေကို လွယ်လွယ်ကူကူနားလည်နိုင်မှာပါ။ ပြီးတော့ လုံးဝအခမဲ့ ဖြစ်ပါတယ်။ 

တစ်ဦးတည်းမည်သို့ ကားမောင်းနိုင်ပါမည်နည်း။ ခရုခွံကို နား နားကပ်နားထောင်သည့်အခါ မည်သို့သော အသံကိုကြားရပါသနည်း။ ဘာကြောင့် အိပ်ဖို့လိုအပ်တာပါလဲ။ ကမ္ဘာကြီးသည်မေးခွန်းများဖြင့် ပြည့်နှက်နေပါသည်။ ထို့အတွက် ကျွန်ုပ်တို့တွင် အဖြေများရှိနေပါသည်။ အသေအချာရှင်းပြထားပြီး အခမဲ့ဖြစ်သည်။ ပရော်ဖက်ဆာ အိုင်းစတိုင်းနှင့် ဆိုဖီရှလောင်း တို့က သင့်ကိုတွေ့ရန် စောင့်မျှော်နေပါသည်။

အာကာသသည် မည်သို့မည်ပုံရှိပါသနည်း။ လျှပ်စစ်မီးသည် ဘယ်ကလာပါသလဲ။ စက်ရုပ်တစ်ရုပ်သည် မည်သို့လုပ်ဆောင်ပါသလဲ။ ကျောင်းသား/သူတစ်ဦးအနေနှင့် ကျွန်ုပ်တို့၏ ဒစ်ဂျစ်တယ် ဂျူနီယာတက္ကသိုလ်တွင် သင့်အတွက်အဖြေများရှာဖွေနိုင်ပါသည်။ ထို့အပြင် သင့်ဂျာမန်ဘာသာစကားစွမ်းရည်ကိုလည်း အခမဲ့ မြှင့်တင်နိုင်ပါသည်။ ဂျူနီယာတက္ကသိုလ်သည် A1/A2 အဆင့်နှင့် A2/B1 အဆင့်များအတွက် အသင့်လျော်ဆုံးဖြစ်သည်။ 

"Easy Reader စာအုပ်" တွေကို ဖတ်ရတာ သင့်အတွက် လွယ်လွန်းနေပြီလား?
ဂျာမန်ဘာသာ B2 နှင့် C1 အဆင့်ရှိသူတွေအတွက် ပိုပြီးသင့်တော်တဲ့ e-books တွေကို ကျွန်ုပ်တို့ရဲ့ အခမဲ့ဒစ်ဂျစ်တယ်စာကြည့်တိုက် Onleihe မှာဖတ်ရှုဖို့ အကြံပြုပါရစေနော်။

ကျွန်ုပ်တို့၏အသိုင်းအဝိုင်းမှ ကြိုဆိုပါတယ်။ ကျွန်ုပတို့၏ TikTok နှင့် Instagram ချန်နယ်များတွင် ဘာလင်မှအဲလက်စ်နှင့် ကမ္ဘာအနှံ့မှဧည့်သည်တော်များက စောင့်ကြိုနေပါတယ်။ ဂျာမန်ဘာသာစကားနှင့်ပတ်သက်၍ သိသင့်သမျှ၊ ဂျာမနီနှင့်အခြားနိုင်ငံများမှနေ့စဉ်လူနေမှုဘဝများအကြောင်း ထဲထဲဝင်ဝင်လေ့လာနိုင်ပါသည်။ အခြားသောသူများနှင့်လည်း သင်၏အတွေ့အကြုံကို ဆွေးနွေးဖလှယ်နိုင်ပါသည်။

ဤအွန်လိုင်းဂိမ်းတွင် ဆေးရုံတွင်အလုပ်လုပ်ခြင်း အကြောင်းကို ပျော်ရွှင်ဖွယ်နည်းလမ်းဖြင့် သင်ယူနိုင်ပါသည်။ သင်သည် သူနာပြုအဖြစ် ရုပ်ဖျက်ထားပြီး လျှို့ဝှက်မစ်ရှင်တစ်ခုလည်းရှိပါသည်။ မည်သူက တန်ဖိုးကြီး ရတနာများကို ခိုးယူသွားကြောင်းရှာဖွေပါ။ စုံစမ်းနေစဉ် ဆေးပညာအသက်မွေးဝမ်းကြောင်းအတွက် အဖိုးမဖြတ်နိုင်သော ဝေါဟာရများသင်ယူနိုင်ပါလိမ့်မည်။

ဤပေါ့ကတ်စ်များသည် ဂျာမနီနှင့်ကမ္ဘာတဝှမ်းမှ နိုင်ငံရေး၊ စီးပွားရေးနှင့်လူမှုရေးအကြောင်းအရာများကို ဦးတည်ထားပါသည်။ ဥပမာ - ဂျာမနီတွင် ဥရောပသည် မည်သို့ရှိသနည်း။ တရုတ်နှင့်ကုန်သွယ်မှုအခြေအနေမှာ မည်သို့ရှိသနည်း။ နားထောင်ရန်စာသားများမှာ ဂျာမန်လိုဖြစ်ပြီး B2/C1 အဆင့်များအတွက် သင့်လျော်ပါသည်။

ကမ္ဘာတဝန်းမှ ဂျာမန်စာလေ့လာသင်ယူသူများနှင့် သင်တွေ့ဆုံလိုပါသလား။ သို့ဆိုပါက ဤဖေ့စ်ဘွတ်စာမျက်နှာတွင် ဝင်ရောက်ကြည့်ပါ။ ဤနေရာတွင် သင်ဂျာမန်စကားကို အခမဲ့လေ့ကျင့်နိုင်ပြီး ဆွေးနွေးဖလှယ်နိုင်ပါသည်။ ထို့အပြင် ကျွန်ုပ်တို့၏ဂျာမန်ဘာသာစကားသင်တန်းများအကြောင်း အရေးကြီးသတင်းအချက်အလက်များနှင့် ဂျာမနီတွင်နေထိုင်မှုဘဝအတွက် အကြံပြုချက်များကိုလည်း ရယူနိုင်ပါသည်။

ဤပေါ့ကတ်စ်သည် ကမ္ဘာတဝန်းမှ အမျိုးသမီးများ၏ သမိုင်းကြောင်းများကို တင်ဆက်ထားပါသည်။ မတူညီကွဲပြားမှုများကြားမှ တူညီမှုတစ်ခုလည်းရှိနေပါသည်။ ဒါကတော့ စံပြုစရာပုဂ္ဂိုလ်များပါ။ သူတို့၏ဘဝတစ်လျှောက် ဖြတ်သန်းမှုလမ်းကြောင်းများသည် စိတ်လှုပ်ရှားတက်ကြွဖွယ် ထက်မြက်ပြီး ရဲရင့်ကြသည်။ နားထောင်ရန်စာသားများသည် ဂျာမန်လိုဖြစ်ပြီး B2/C1 အဆင့်များအတွက် သင့်လျော်ပါသည်။