Our Ocean, Our Life: The Exhibition of Stories from Myanmar’s Coasts

၂၀၂၅ ခုနှစ်၊ ဇွန်လ ၈ ရက်နေ့မှာ ကျရောက်မည့် ကမ္ဘာ့သမုဒ္ဒရာများနေ့ကို ကြိုဆိုသောအားဖြင့် Myanmar Ocean Project  နှင့် Goethe-Institut မြန်မာတို့ ပူးပေါင်းစီစဉ်သည့် Our Ocean, Our Life အမည်ရ ပြပွဲတစ်ရပ်ကို ပြသသွားမည်ဖြစ်ပါသည်။ ပြပွဲတွင် မြန်မာနိုင်ငံအနှံ့အပြားမှ လူငယ်အနုပညာရှင်၊ စာပေပညာရှင်များ ပေးပို့ထားသည့် သမုဒ္ဒရာနှင့် ကမ်းရိုးတန်းဒေသလူနေမှုဘ၀၊ အလှတရားများ၊ သမုဒ္ဒရာများရင်ဆိုင်နေရသည့် စိုးရိပ်ဖွယ်ရာဖြစ်ရပ်များ၊ ဂေဟစနစ်များကို ထင်ဟပ်သည့် လက်ရာများကို ပြသသွားမည်ဖြစ်ပါသည်။

ပြပွဲတွင် မေလ ၂၇ ရက်နေ့ ခေါ်ယူထားသည့် လက်ရာရှင်များထဲမှ ရွေးချယ်ခံရသည့် လက်ရာများကို ပြသသွားမည်ဖြစ်ပြီး သမုဒ္ဒရာနှင့် ကမ်းရိုးတန်းဒေသ အကြောင်းအရာများကို အပြန်အလှန်ဆွေးနွေးသည့် ဆွေးနွေးပွဲတစ်ရပ်လည်း ပါ၀င်သွားမည်ဖြစ်ပါသည်။

ပြပွဲအစီအစဉ်များမှာ အောက်ပါအတိုင်းဖြစ်ပြီး မည်သူမဆို အခမဲ့တက်ရောက်နိုင်ပါသည်။

အသေးစိတ်အချက်အလက်
ပြပွဲဖွင့်ပွဲနှင့် စကား၀ိုင်း။ ၂၀၂၅ ခုနှစ်၊ ဇွန်လ ၈ ရက် (တနင်္ဂနွေနေ့)
အချိန်။ ညနေ ၄ : ၀၀ နာရီမှ ညနေ ၅ : ၃၀နာရီ
(ညနေ ၃ : ၃၀ ပြပွဲခန်းမှ စဖွင့်ပါမည်။)
နေရာ။ Goethe-Institut မြန်မာ ပြပွဲခန်းမ
၀င်ခွင့်။ အခမဲ့၊ မည်သူမဆိုလာရောက်နိုင်ပါသည်။
ပြပွဲကို ဇွန်လ ၉ ရက်နေ့ နှင့် ၁၀ ရက်နေ့များတွင် နေ့စဉ် နံနက် ၁၀ နာရီမှ ညနေ ၅ နာရီထိ ဆက်လက်ဖွင့်လှစ်ပြသထားမည်ဖြစ်ပါသည်။
အစီအစဉ်ကို မြန်မာ၊ အင်္ဂလိပ်နှစ်ဘာသာစကားဖြင့် ပြုလုပ်သွားမည် ဖြစ်ပါသည်။