SDG 12 – Responsible Consumption and Production

Sustainable Entrepreneurship Series Program ပြန်လည်ရောက်ရှိလို့လာပါပြီ။

Goethe-Institut Myanmar နဲ့ Planet Impacts တို့မှ ပူးပေါင်းပြုလုပ်ထားတဲ့ Sustainable Entrepreneurship Series Program ကို မေလ မှ ဩဂုတ်လအတွင်း တစ်လလျှင် တစ်ကြိမ် ကျင်းပသွားမှာဖြစ်ပါတယ်။ အစီအစဉ်တိုင်းတွင် မတူညီသော ရေရှည်တည်တံ့ဖွံ့ဖြိုးတိုးတက်ရေး ပန်းတိုင် (SDGs - Sustainable Development Goals) တွေအပေါ် အခြေခံတဲ့ စွန့်ဦးတီထွင်ခြင်းပညာရပ်ဆိုင်ရာသဘောတရားများကို သက်ဆိုင်ရာနယ်ပယ်အသီးသီးမှ ပညာရှင်တွေရဲ့ အတွေ့အကြုံများနဲ့အတူ သင်ယူလေ့လာနိုင်မှာပါ။

အစီအစဉ်၏ တတိယအပိုင်းအနေဖြင့်  ဇူလိုင်လ ၉ ရက်နေ့ (နေ့လည် ၁ နာရီ မှ ၃ နာရီ) တွင် SDG 12: Responsible Consumption and Production နှင့်ပတ်သက်တဲ့ အလုပ်ရုံဆွေးနွေးပွဲ ကို Goethe - Institut Myanmar စာကြည့်တိုက်တွင် တက်ရောက်နိုင်မှာဖြစ်ပါတယ်။

ယခု အစီအစဉ်တွင်  Sustainable Business Model တည်ဆောက်ခြင်း အခြေခံသဘောတရားများ ဆွေးနွေးခြင်းနှင့် Thant Myanmar မှ မမြတ်ထက်ခိုင်  ရဲ့ SDG 12 နှင့်ပတ်သက်သော စီမံကိန်း အတွေ့အကြုံများကို မျှဝေပေးသွားမည့် အစီအစဉ်လည်းပါပါတယ်။

အသက်  ၁၈ နှစ်နှင့် အထက် မည်သူမဆို အခမဲ့ပါဝင်နိုင်ပြီး၊ တက်ရောက်လိုသူများအနေနဲ့ ‌ အောက်ပါ Planet Impacts ၏ registration link မှတစ်ဆင့် လျှောက်လွှာဖြည့်စွက်၍ ပါဝင်နိုင်ပါတယ်။ နေရာအရေအတွက်ကန့်သတ်ထားတာဖြစ်လို့ ဇူလိုင်လ ၄ရက် နေ့မတိုင်ခင် စာရင်းပေးသွင်းလိုက်ပါ။

အစီအစဉ် အသေးစိတ်အချက်အလက်များကို Goethe-Institut Myanmar နှင့် Planet Impacts ၏  လူမှုကွန်ရက်စာမျက်နှာများတွင် ဆက်လက်အသိပေးသွားမှာ ဖြစ်ပါသည် ။