Стани добитник на курс по германски јазик во Минхен!
Победници се::
Ева Кузеска
Филип Темелкоски
Јована Бабиќ
Леона Лозановска
Моника Лазаревска
Марија Стојчевска
Никола Мишоски
Честитки!
Се интересираш за Германија, за германскиот јазик и култура? Германски јазик е еден од твоите омилени училишни предмети? Тогаш учествувај на нашиот Есеј & Видео натпревар и освој тринеделен јазичен престој на Гете-институтот во Минхен!
Што треба да сториш во врска со тоа?
Сними кратко видео со следнава задача: “Претстави се кратко и раскажи ни за твојот животен сон”.
и напиши есеј на оваа тема: “Што можат да научат Германците за твојата земја и обратно?”
Есејот и видеото треба да бидат на германски јазик. Есејот треба да содржи најмногу една страна. Видеото треба да биде долго од 90 до 180 секунди. Биди креативен/на и образложи ни зошто си ти вистинската личност за оваа стипендија. Со пријавата приложи и копија од актуелен документ за идентификација.
Достави ги сите овие три работи најдоцна до среда, 08.02.2023 на bkd-skopje@goethe.de.
Жирито ќе ги одбере најдобрите прилози. Добитниците ќе бидат известени по мејл најдоцна до 15 март 2023.
Добитниците ќе патуваат за Минхен. Во околината на градот ќе се одржи дводневен подготвителен семинар. Веднаш потоа ќе започне тринеделен интензивен курс по германски јазик со возбудлива и интензивна културна и рекреативна програма. Покрај тоа заедно со другите добитници ќе патуваш на викенд во германскиот главен град Берлин и ќе поминеш дополнително еден викенд во некое германско семејство.
Подготвителен семинар: од 23 јуни до 25 јуни
Датум на курсот: од 26 јуни до 14 јули
Место на курсот: Гете-институт Минхен
Авионска карта Скопје – Минхен – Скопје
Трансфер на аеродоромот во Минхен
Двокреветна или трокреветна соба во младински хостел
Полн пансион
210 евра џепарлак
Патничко здравствено осигурување, осигурување од одговорност и осигурување од незгода
Викенд во Берлин (вклучени се сите трошоци)
Билети за јавниот градски превоз
Тринеделен интензивен курс по германски јазик
Културна и рекреативна програма
Четири ментори по германски јазик
Двајца други придружници
Согласност од родителите / старателите
Да си ученик / ученичка во средно образование
Учесниците до почетокот на курсот треба да имаат од 14 до 17 години
Докажан интерес за Германија и германскиот јазик
Редовно учество на наставата по германски јазик во училиште
Познавања по германски јазик на А2/Б1 ниво, максимум Б2 ниво
Патна исправа со важност најдоцна до 05.11.2023
Програмата е иницијатива на фондацијата Giesecke+Devrient Stiftung во соработка со Гете-институтите Минхен, Србија, Босна и Херцеговина и Северна Македонија.
Фондацијата Giesecke+Devrient е фондација, која е основана од семејното претпријатие Giesecke+Devrient. За основачката претприемачката дејност значи и преземање општествена одговорност. Тоа е дел од претприемачкото саморазбирање на Giesecke+Devrient. За овој граѓански ангажман се залага фондацијата Giesecke+Devrient уште од 2010 година. Ние сме за интеркултурно разбирање и живо културно наследство. Сакаме да придонесеме за тоа, луѓето да научат да се разбираат меѓу себе – и тоа не само на својот јазик. Со доживувањето на културата и културите ние овозможуваме нови хоризонти и размена на перспективи. Ние ги потпомагаме институциите и развиваме проекти, кои се заземаат за нашите тежишни точки уметност, култура и образование. Имаме задача да бидеме ефективно активни. Затоа ние ги придружуваме нашите проекти и по повеќе години. Заедно со нашите партнери сакаме да направиме разлика.
Гете-институт е културен институт на Сојузна Република Германија кој е активен ширум светот. Ние го поддржуваме познавањето на германскиот јазик во странство и негуваме интернационална културна соработка. Понатаму ние посредуваме една сеопфатна слика за Германија преку информации за културниот, општествениот и политичкиот живот.
